ابراج اليوم المصادف احم احم شكد بشهر ما ادري المهم فوتو شوفو ابراجك

ابراج اليوم المصادف احم احم شكد بشهر ما ادري المهم فوتو شوفو
ابراجكم..

هااااااااااااااااااااااااااي شلونكم بنات شباب؟؟
ابراجكم اليوم تكول
( الحمل)
اسبوع حافل بالاحداث المؤثرة على مجرى حياتك الالجتماعية و الاقتصادية,و راح تروح سفرة لراس الشارع و
تلكاه اصلع,رقم الحظ -13,يوم السعد السبت الفات

فد شي عنده خوش كرون (الثور)
انت برج الثور,مبروك راح تصير دكتور,ستمر بفترة صعبة جدا
لكنك ستجتازها و يحصل انفراج نفسي,لانك راح تشتغل تكسي,رقم الحظ 40 يوم السعد البارحة..

اللوزاء (الجوزاء)
فترة انتقالية تشهدها حياتك و سوف تعاني مثلما عانت الحكومة الانتقالية العراقية,فاحرص على تناول حبة
فاليوم 10 قبل النوم,رقم الحظ صفر..يوم
السعد لو الجمعة لو الاربعاء..بس علأكثر الثنين..

(السرطان)اللهم احفظنا وابعدنا عنه
برج السرطان,راح تشرب جاي بلاستكان,و راح تشيلون للاسكان,و احتمال تشتري تلفزيون من بيت فنجان,بس راح
يطلع خربان..رقم الحظ 34563..يوم السعد مو الثلاثاء

ابو خميس( الاسد)
راح ترجع للبيت,تلكة المرة مطابخة,كلشي لتكوللهه,و اذا غلطت
عليك و ضربتك بال...,ابلعهه
كلاسد..رقم الحظ,هو وينه الحظ؟..يوم السعد اليوم..هنيالك!!

( العذراء):
هذه الفترة غير ملائمة لاقامة علاقات عاطفية,لان طبيعتكم الديالكتيكية,لا تنسجم مع الخواص
الميتافيزيقية للحبيب,فلا يحصل انجذاب الكتروستاتيكي,رقم الحظ..ما ادري..يوم السعد..هم ما ادري

الميزان مو مال ابو المخضر
ستشهد هذا الاسبوع تحسنا ماليا ملحوظا فاحرص على اغتنام الفرصة و
اشتري كيلو بقلاوة,لأن ملّينة من الحلاوة..رقم الحظ 07901..
يوم السعد عكب باجر

العقرب يمه كرصتني عكربه
اعمل بمبدأ (الاشرا...كية) يعني اشتري كيا و اشتغل بيهه احسن من الكعدة لأن ترة ماكو تعيين بس للعرف..رقم
الحظ...يوم السعد..نايم بعده ما كعد

القوس لا عبالي سهم(هع)
انتم اذكياء و ذوي خبرة عظيمة في مجال عملكم و ستأتيكم جنطة بيهه فلوس..شايلهه ابنكم المحروس..و بيده
الثانية فانوس,رقم الحظ 444..يوم السعد..اليوم تلاثة و نص الفجر

الجدي لا بي:
المنحوس منحوس,خطية ابو القوس عثر ابنه المحروس..و احتركت
الفلوس بنار الفانوس..و انت لازم تساعده..لأنك متعاون..رقم الحظ 123456..يوم السعد..اليوم وكت العشة

الدلو ها يعني مو سطل
انت تتمتع بروح الدعابةفأحرص على بقائها في شخصيتك,انت برج
الدلو,قميصك حلو,تلفونك عراقنا لو الو..رقم الحظ..شكد ميعجبك..يوم السعد اول البارحة..

الحوت هذا الجبير يسبح بالمي

لديك الطموح و الشجاعة عاليين,و ستحصل على ما تصبو
اليه,لانك حوت,بس بيتكم بالكوت,و اليوصلهه يموت,رقم الحظ..ماكو رقم حظ الك..يوم السعد ..من تجوز من الجكاير..

والابراج الصينيه باجر نجيبلكم اياها ونحط بلصينيه جاي وبسكت واكو
ببسي للي ميحبون الجاي[center]تحياتي

[/center]

~*¤ô§ô¤*~ حيدوري
~*¤ô§ô¤*~

(السرطان)

اللهم احفظنا وابعدنا عنه
برج السرطان,راح تشرب جاي بلاستكان,و راح تشيلون للاسكان,و احتمال تشتري تلفزيون من بيت فنجان,بس راح
يطلع خربان..رقم الحظ 34563..يوم السعد مو الثلاثاء

مشكوووووووووووووووووووووووور

الحوت هذا الجبير يسبح بالمي

لديك الطموح و الشجاعة عاليين,و ستحصل على ما تصبو
اليه,لانك حوت,بس بيتكم بالكوت,و اليوصلهه يموت,رقم الحظ..ماكو رقم حظ الك..يوم السعد ..من تجوز من الجكاير..

بس لييييييييييييييييش ما عندي رقم للحظ اي ادري لان معندي حظ مو

شكرا للمرور
وربي ايخلي الحوت والسرطان

تحياتي

» البناااات اذا لعبو طوبة ؟؟؟ شوفو القوانين مالتهن هع هع
» ادخلو شوفو هذي السياره
» شوفو البنات من يوكعون بـ(المصيبة)ـالحب!!
» اغرب شروط الزواج عند شباب اليوم
» اغرب شروط الزواج عند شباب اليوم