قصيده مهداة لبلدي الحبيب

يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظمك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

مشكوره حياتي على الكلمات الجميله والرائعه
سلمت الايادي

شكررررررررررررررا سوسو على المرور العطر

مشكووووووووووووووووووووووووووووور منج على هذا الموضوع
والكلمات الاروع لان الوطن مثل الام مهما وصفناهم ما يجي بنصف حقهم
وسمعنا عنج يا هدوء انج وطنية حيل حيل

» قصيده للعراق الحبيب
» دعاء للعراق الحبيب ؟؟؟
» تـــــــاريخ العراق الحبيب !!
» اهدي اي شي تريده للعراق الحبيب
» قصيده كتبت عن البرلمان !!!!!!!!!!!!!!!!!!