بمناسبة دخولي الى هذا المنتدى الجميل (اهـــــداء الى هـــدء الليل )

جروحي تحرشن بيه وعالن
وانه الما كاشف همومي وعالن
بحلاة النوم فز كلبي وعا لن
اخوتي وربعي اجو جتاله اليه
@@@@@@@@@@@
روحي وياك ما اكطع وصلها
وتفرح لو خبر منك وصلها
نسبها دورت عنه وأصلهه
لكيته يعود الك ما يعود اليه
@@@@@@@@@@@@@
امفارك والليالي أيام مرن
وعلي صار لذيذ الزاد مرن
طفر قلبي على النقال من رن
لان حسيت روحي ادك علية
@@@@@@@@@
احس من يون كلبك ونتة عدي
اريد العمر يخلص ونتة عدي
جسمي بساط افرشة ونتة عدي
هلبت تعثر وتوكع علية
@@@@@@@@
ترف ياللي بطريق الهجر ماشيت
عجب بجفاك عني العقل ماشيت
عاندني وتدلل وأخذ ماشيت
بس لا تبخل بوصلك عليه
@@@@@@@@@@@@
لذيذ العيش الي والزاد ماطاب
وجرحي الجنت اظنه يطيب مطاب
يكلولي شعجب للسوك ماطاب
كلت مزروع دربه شوج اليه
@@@@@@@@@@@
اضل للموت اصيحاً.. بسمك انة
حروفي بوسط اسمك .. بسمك انة
اعربك بسم انة و .. بسم كانة
اذا اعرب غلط تصبح قضية
@@@@@@@@
الكلب عاف البشر كلهم والك راد
مشة مسافر تذكركم والك رد
عرب ما طيبو علتي ولاكراد
دواية انتة يهل مبعد علية
@@@@@@@@@@
شفت بالطيف شخصك سالماني
همت ودموع عيني سالماني
علي تسأل ياصاحب سالم اني
عزيز وشوفتك شحت عليه
@@@@@@@@@
انا الواضح والمبين ولا اخاف
وانا المارجفت جدامي ولا اخاف
وانا المانكص وزني ولاخف
اختفيت وخفت خف وزن العليه
@@@@@@@
يعلمني زماني دروس .. ونسه
وعلى حالي بجت رضعان .. ونسه
انه الجنت للخلان .. ونسه
صرت مكروه محد يمر بيه
@@@@@@@@
شعرك هذا لو قطعه من الغيم
يحفظك ياحلو ربي من الغيم
دكظني خلصت كصتي من الغم
من ما اشوف تجي الاهات بيه
@@@@@@@@
تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية
@@@@@@@@@@@@
كبل عنكود خدك يمي داني
صطيت وجفن عينك يمي داني
اغم كصتي واصيحن يمداني

يمي وماخذت ثاري بديية
@@@@@@@@@@@@
تحياتي
[color=darkred][/

color][center]

زائر

مشكور على الكلمات الجميله

موضوع جميل شكرا على الكلمات روووعه

شكرا حمودي ابوذيات ولا ارووووووووووووووووع

مشكوووووور

شكرا على مروركم العطر

» خواطر ...................منتصف الليل
» أسأل الليل عن حالي
» زوجة سألت زوجها عن معنى الليل.. شوفوا اخونا شكال!!!!!!!!!!!!!!!!!!!!!
» ما هي الكلمة التي توجهونها للمسلمين بمناسبة دخول شهر رمضان
» هل ستغادرون المنتدى اذا حصل هذا ؟؟؟