حزن و عتاب

مساء الخير والحب والحنان
ماضعت في بعادك ولا توهني زماني
مثل مااخترت قلبك بالاول اقدر اختارلي ثاني
قول اني تغيرت وماعاد قلبي الاولاني
جروحك علمتني الصد
وعلمتني كيف اخلي الهم ينزاح عني ويتناساني


*اجمع أحزانك وهمك والعتاب
وهلها وسط صدري هلها

لاتخاف من الملامه والعتاب
دام أنا راضي سيوفك سلها

فدوتك روح تحبك ماتهاب
تتجه للموت لوتأشر لها

تمشي بشورك ولوهو خراب
لعنبو روح تعاند خلها


*الله يرحم حبنا اللي قتلتيه
جفت دموعي والبقيه في حياتك
أنتي بديتي الحب وأنتي نهيتيه
إقرأي عليه الفاتحه في صلاتك
الله وأكبر
من يسوي سواتك
مره لبستي الحب ومره شلتيه
هذا الهوى لا تحسبينه عبايتك
قلتي إحفظه تذكار وأقول مابيه
تذكار حبي

هو شهادة وفاتك


*كلـــي عيوب
ومعجبتني عيوبي..!
وأنا عيوبي عند غيرك
×مـــزايا×


*كيف احبك بعد غدرك من جديد
إنت حبك مات في قلبي أكيد
سهم غدرك صابني بوسط الوريد
وتركت النار تسعر بقلبي وتقيد
قبر حبك اندفن وغطاه الجليد
وقع غدرك كان على قلبي شديد
لازم ترحلي عني وعن قلبي بعيد
مستحيل الماضي يرجع ما يفيد
كم مرة رجيتك وقلبك الظالم عنيد
والحين بعدك وفراقك عندي عيد


*نفسي اقول:
اني حزين
اني سجين
~ لكل ذكرى لك معي ~
وابغي اقول:
اني أنا
أشكي العنا
~ وأقول للذكرى ارجعي ~
وارجع أقول:
ليت الهوى
يجمع سوى
~ أهل القلوب اللي تعي ~
ونسيت أقول:
من الفراق
الصدر ضاق
~ والعين هلّت مدمعي ~


تحياتي
علي التميمي

شكرا كتير كتير
على مرورج الغالي
ويعطيج الف عافيه
تحياتي
علي التميمي